فريدة الشوباشي: أنا أقبل بالزواج العرفي لكن لا أشجعه

قالت النائبة فريدة الشوباشي، إنها لا تشجع على الزواج العرفي بين الشباب، لكنها تقبل ذلك إذ حدث توافق بين الرجل والفتاة، مضيفة: 'أنا بلاقي أن كل اتنين من حقهم يختاروا حياتهم سواء متجوزين عرفي او ديني او مدني.. أنا مالي'.

وأضافت 'الشوباشي'، في لقائها على فضائية 'الحدث اليوم'، قائلة: 'أنا مش بشجع الجواز العرفي لكن اقبل طالما الاتنين اتفقوا يبقى انا مليش علاقة، وأنا عمري ما انتقد اللي يتزوج عرفيًا لكن مش بقول لأي حد روح اتجوز عرفي'.

وأكملت: 'أنا لست مع ان الزوج يروح المحكمة ويعمل انذار طاعة الزوجة لانه مش معقولة تغصب مراتك تعيش معاك والحل أنه ينفصل عنها لو عنده كرامة'.

وتابعت: 'الحرية حرية ملهاش حدود.. أكل الحاجة اللي بحبها واعيش مع اهلي اللي بحبهم وابقى كويسة في دراستي عشان حرية اختيار الشغل وانتقاء اصدقائي، والحرية تبقى واعي بما تفعله، والحرية مسئولية مفيش حاجة بتحدد الحرية إلا لمن يمارسها وتكون أداة لتحسين مشاعره وموقعه الاجتماعي'.