تامر هجرس: لما الناس تبص على مراتك لازم تفتخر أنك معاك واحدة جميلة (فيديو)

كشف الفنان تامر هجرس، تفاصيل قصة حبه مع زوجته، قائلا:'إنه التعارف كان في الجامعة وهي من أصل مصري ولكن كانت تعيش بالكويت وليس لها علاقة بالمجال الفني'.

وخلال لقائه ببرنامج 'واحد من الناس' مع الإعلامي عمرو الليثي، عبر شاشة 'الحياة'، أكد هجرس أنها مصرية وكانت تقييم في الكويت، وجاءت للدراسة في مصر، مؤكدا على أنه سعيد بالتعرف عليها وحتى الآن متزوجان منذ 25 عاما.

تصريحات تامر هجرس مع عمرو الليثي

وأكمل هجرس: 'أصحابي قالولي فيه بنت مصرية حلوة جدا جاية من الكويت اتعرفت عليها وأعجبت بها جدا واكتشفت إنها أحلى ست، واكتشفت إنها حلوة مش بس من برة لا من جوة كمان، وحظي حلو إني متجوزها لحد النهاردة، هي ملهاش علاقة بالفن ولكن تعمل في مجال التغذية'.

وواصل هجرس: 'أنا بقول للرجالة أما يكون فيه إعجاب أو تكون حاسس إن الناس بتبص على مراتك أو حبيبتك يبقى لازم تتأكد إنك مع واحدة جميلة جدا، فتفتخر بالجمال ده، ما هو ده اللي جابك ليها وحببك فيها ودائما بقول مينفعش الراجل يحب واحدة في إطار معين وبعد كده أما يتجوزوا يمشي رأيه ومتلبسيش ومتخرجيش إنت كده بتطفيها'.

يذكر أن تامر هجرس، شارك في فيلم شوجر دادي، بطولة الفنانة ليلى علوي، الذي يعرض حاليا في دور العرض السينمائي، وتدور أحداثه في إطار كوميدي حول رجل يمر بأزمة منتصف العمر يدعى شوقي ويلعب دوره الفنان بيومي فؤاد، وتقوده مراهقته المتأخرة إلى إقامة علاقة سرية مع راقصة، لتنقلب حياته وحياة أسرته رأسًا على عقب.