ياسمين عز عن فرح ولي عهد الأردن: أخوات العريس نسيوا إنهم أميرات

علقت الإعلامية ياسمين عز، على حفل زفاف ولي العهد الأردني الأمير الحسين بن عبدالله وزوجته رجوة آل سيف، قائلة: 'كان في أكتر من موقف لفت نظرنا في فرح ولي العهد الأدرني، حد خد باله قبل كتب الكتاب من أخوات العريس وهما واقفين ورا العروسة، وماسكين لها الفستان بفرحة كبيرة، وكل ما ديل الفستان يتكسر يعدلوه ونسيوا أي لقب وأنهم أميرات'.

فرح ولي عهد الأردن

وخلال برنامجها 'كلام الناس'، المذاع على قناة 'إم بي سي مصر'، تابعت: 'هنا بتكلم عن أميرتين، كان في فرحة وحب في عينهم وقلوبهم، وهما عارفين أنهم بيعملوا كده عشانها وعشان أخوهم، رغم أن كان ممكن يجيبوا حد يعمل كده'.

وأكملت: 'عشان يكسروا أي حاجز بينهم، وأن الحماة جميلة وروحها حلوة ربت عيالها في بيت كله حب واحترام'.

وواصلت: 'يا ريت الستات والبنات يكونوا اتعلموا من فرح ولي عهد الأردن، العلاقة بين العروسة وأخوات جوزها المفروض تكون عاملة إزاي، أنا أعرف عروسة رافضة تعزم بنات خالة عريسها'.