قال الرئيس عبدالفتاح السيسي، إن البلاد لا تُبنى بمجرد إصدار التوجيهات للموظفين، وأنه لا يجب أن يُترك الموظف وحده، بل يجب الجلوس معه وحل المشكلات التي تواجهه وتشجيعه لإنجاز مهامه.
وأضاف 'السيسي'، خلال كلمته في افتتاح محطة تحيا مصر متعددة الأغراض بميناء الإسكندرية، المذاع على قناة 'إكسترا نيوز'، اليوم الخميس، قائلًا: 'طلبت من الفريق كامل الوزير وزير النقل، شراء قطعة أرض من المواطنين في دمياط، لكن الأهالي طلبوا 5 ملايين جنيه في الفدان، وارتفع الرقم إلى 15 مليون جنيه، فطلبت منه ترك الأرض والردم أمامها، وهذا الأمر أفضل، لأننا سنستفيد من الردم وسنخلق جزءا في البحر بعمق 2 أو 3 كيلومترات لتغطية جزء من التكلفة، وسنترك الأرض لأصحابها يزرعونها'.
وأردف: 'أنت بتطرح الفرصة و بتيجي ناس ومثتمرين، لكن ممكن نكون احنا السبب أيضاً، في التعثر، أحنا مش بنجلد نفسنا، لكن بوضح ليه الميناء رغم التعهد متعملتش، أنا دايماً بقول أنا بحب أعمل أنا الناس بتستغرب، إني مش بجيب مستثمر ينفذ، لأن بخاف و إحنا بنفذ و في إلتزام تعاقدي مع المستثمرين، الناس اللي شغاله متمشيش العقود'.
وأكمل 'السيسي'، قائلًا: 'أنا بقول للناس البلاد بتتعمل أزاي، لكل التنفذيين، البلاد مبتتعملش أنك تدي توجيه للموظف اللي عندك وتسيبه، لا أنت قاعد معاه تحلله حته حته، وتشجعه علشان يخلصلك شغلك ، شغلك اللي هو شغل مصر'.
وتابع: 'أنا لما بعمل حاجز في الميناء، بدل ما اعمله 50 متر ..أعمله 300 متر، ما أنا كده كده بحط الدبش والصخور، وأبقى خلقت حته في البحر عمقها 3 كيلو، أقدر أستفاد منها و تغطي جزء من التكلفة'.
تابعوا آخر أهل مصر على Google News
