استعرضت الإعلامية منى عبدالغني، قضية طلاق غريبة لسيدة طلبت الانفصال عن زوجها لأنه يستخدم 'واي فاي' الإنترنت بمفرده.
وخلال تقديم حلقة اليوم من برنامج 'الستات مايعرفوش يكدبوا' المُذاع على قناة ''cbc' قالت عبدالغني: 'الزوجة طلبت الطلاق لأن زوجها يستخدم الواي فاي لوحده وهي مش عارفة تشوف المسلسلات على الإنترنت'.
وأضافت: 'الزوجة تقول إن زوجها بحكم عمله من المنزل يقضي وقتًا طويلًا جدًا على الإنترنت، وبالتالي يستخدم الواي فاي بشكل أكبر بكثير، وهي مش عارفة تتابع المسلسلات'.
زوجة تطلب الطلاق بسبب "الواي فاي"
وتابعت عبد الغني: 'أنا بشوف إن عمل الرجل من المنزل ميزة، هو بيشتغل مش بيلعب، قاعد قدام عينك فإيه فكرة إني أرفع قضية طلاق وأخرب بيتي علشان الواي فاي'.
فيما علقت الإعلامية إيمان عز الدين قائلة: 'لو هو قاعد على السوشيال ميديا كنا ممكن نتكلم، لكن الرجل قاعد بيشوف شغله، هاتي راوتر لكن إنك تطلبي الطلاق على سبب زي ده تبقى تلكيكة، قولي الأسباب الحقيقية اللي تخليكي تطلبي الطلاق لكن الواي فاي مش سبب خالص وكلام تافه'.
تابعوا آخر أهل مصر على Google News
