أيمن الشيوي يكشف أسرارا جديدة عن شخصية نابليون في سره الباتع: خالد يوسف السبب

تحدث الفنان أيمن الشيوي عن مسلسل سره الباتع، الذي عرض في موسم دراما رمضان 2023 ، وقدم خلاله شخصية نابليون بونابرت، وتعرض بسببه للهجوم من قبل الجمهور.

وقال أيمن الشيوي، ببرنامج سبوت لايت، تقديم الإعلامية شيرين سليمان، على قناة صدى البلد: 'الهجوم بدأ قبل المسلسل ما يبدأ، والشكل مكنش مختلف، ولكن الطول فقط اللي مختلف، واحنا بنقدم عمل فني واللي خلاني أوافق عليه الأستاذ خالد يوسف بعتلي، وكنت رايح إني هعمل شخص أجنبي، ودا بيراودني ويطاردني من زمان وعاملي أزمة'.

وتابع أيمن الشيوي : 'جابلي صورة ومراية وحطهم جنب بعض، وبصتله قولتله ده أنا.. قالي (دا نابليون بونابرت في فترة من حياته، وقالي لازم تعمل الدور).

وردا على انتقاد البعض لشخصية نابليون التي قدمها قال لفنان أيمن اليشوي: «إن الناس تسيب كل حاجة وتفكر في طول نابليون فدا حد بيتلكك وعايز يهاجم وبس، إحنا بنقدم عمل فني ولازم يكون فيه فروق، ومستحيل تجيب واحد طبق الأصل، وفي الدراما بنقدم موقف الراجل دا من مصر وأحاسيسه ومشاعره وحبه وعشقه لها، ووجهة نظره في المصريين، وعملوا مقارنة بينا في العمر والطول».

وأضاف: «سره الباتع هيتعرض تاني والناس هيشوفوا الأبعاد الحقيقية في العمل وهيستمتعوا، والهجوم مش على شخصي أنا، ولكن على نابليون نفسه، واستمتعت بالعمل دا جدا وسعيد بالتجربة دي».