ضحية التعذيب في البساتين.. والد الطفلة ولاء: «طليقتي وزوجها كانوا بيعذبوها بالكرباج»

خرجت «ولاء» ضحية التعذيب في البساتين من المنزل لتشتري بعض طلبات البيت، لكن بسبب تأخيرها، انهال عليها زوج امها بالضرب بـ«الكرباج» و«الخرطوم» لتلتقط أنفاسها الأخيرة

والد الطفلين جلس مع مراسلة جريدة وموقع «أهل مصر»، ليفضى همومه ويتحدث عن مشاكله مع طليقته، التي انفصل عنها بالطلاق قبل 6 أشهر، لكنه لم يتوقع أن تروح ابنته ضحية إهمال زوجته.

وكشف والد الطفلة ولاء، ضحية التعذيب على يد أمها وزوجها في منطقة البساتين، عن التفاصيل الاخيرة في حياة ابنته، قبل وفاتها، قائلًا: 'أخذت بعضها وسابت البيت ومشيت وطفشت واخدت العيال وعقبال ما عرفت مكانهم وروحت هناك، اترفع عليا سلاح وطلقتها واتاخد مني فلوس وتليفون وحاجات'.

وأضاف، قائلًا: 'حاولت أجيب عيالي معرفتش وكل ما اروح يترفع عليا سلاح، وحتى اخواتها راحوا عشان يجيبوا عيالي اطردوا من هناك، وفي وقفة العيد اترفع عليا سلاح وعملت بلاغ للنجدة روحنا قسم الخليفة، الضابط مرضيش يعمل محضر بالاعتداء وقالي هحبسك معاهم يا إما تعمل محضر صلح'، متابعًا: 'في الاخر اعملي محضر عدم تعرض ليهم وأنا اللي مبلغ واترفع عليا سلاح واتعمل ليا محضر عدم تعرض'.

ضحية التعذيب في البساتين

وأكمل: 'أنا معرفش حاجة عن ولادي ومفيش اي وسيلة تقربني منهم، واحدة قريبة من طليقتي وزوجها اتصلت بيا وقالتلي ابنتك في المستشفى متعورة، جريت على المستشفى قالولي مفيش حد هنا بالإسم دا، بعدها على طول اتصلت بيا قالت لي بنتك مش في المستشفى وتوفيت بسبب ان والدتها وزوجها فضلوا يضربوا فيها لغاية ما ماتت'.

وتابع: 'موتوها ليه أنا معرفش.. ابني بيقولي قعدوا يضربوا فيا انا واختي بالكرباج والخرطوم، لكن في ناس لقحتني وأدتني قبل ما أموت وفي اصابات كثيرة في جسمه.. جسمه كله بايظ'، مستطردً: 'كانوا بيمنعوا عنهم الأكل، وابني لما اخد معلقة سكر ضربوا علقة موت بيقولوا السكر غالي'.

وأتم: أنا مكنتش أعرف أي حاجة عنهم وقبل ما ابنتي تتوفى بيوم واحد.. كنت مكلم المحامي واتفقت مع اخواتها اللي شاهدين عليها أن أرفع عليها قضية عشان هي غير آمنة على العيال، وزوجها كان متهم في جريمة قتل مراته ضرب وتعذيب واتحسب 7 سنين في تهمة قتل خطأ'.