حنان شوقي: «ياريت أدخل في قصة حب وأنا ألبس زوجي جزمته بنفسي»

وأعربت الفنانة حنان شوقي عن أمنيتها في الارتباط مرة أخرى، قائلة:  الحكاية بين الراجل والست حرب، ودي بعيدة كل البعد عن الحب الحقيقي، وأنا بالنسبة ليا (أنا أنت)، وياريت أبقى في قصة حب حقيقية'

وقالت 'شوقي'، في تصريحات تلفزيونية، على فضائية 'القاهرة اليوم': الست دي بـ 100 راجل، الزوج ده بيبقى ابني وصديقي وأخويا وأبويا وأمي وصحبي وكل حاجة في حياتي، فأنا بفصل في تعاملاتي، وأنا لما بحب بعمل كده'.

تصريحات حنان شوقي

أما عن علاقتها بوالدها، عقبت حنان شوقي قائلة: 'بابا كان صاحبي من وأنا صغيرة، أنا بالذات عن إخواتي كان صاحبي جدًا، ولو حصل موقف حصل واحد عاكسني في الشارع وسألني عملتي إيه أقوله مردتش، يقولي شاطرة لأنك مش عايزة تردي'.

وأكملت: 'خدت منه حنيته ورجوليته وجدعنته، وهو اللي زرع جوايا الصدق وإني أقول الحقيقة، وزرع فيا المسئولية وإزاي أتعامل، ولما أبويا انتقل لـ رحمة الله كنت صغيرة أوي وكنت محتاجة ليه، وربنا صبرني وصمدت صمود الجبال، ومكنتش مصدقة إنه انتقل إلى رحمة الله'.