الرئيس السيسي: «الناس خرجت في 2011 عشان حسوا إن الدولة لن تقدم لهم المطلوب»

قال الرئيس عبدالفتاح السيسي، إن الدولة في 2011 وعقب الثورة خسرت الدولة 400 مليار دولار.

وأضاف 'السيسي'، في كلمته خلال أحداث المؤتمر العالمي للصحة، المذاع عبر فضائية 'اكسترا نيوز'، اليوم الثلاثاء، قائلًا: 'المشكلة في بلدنا مصر من المشاكل كبيرة وكانت سبب كبير من التحديات التي قابلناها في 2011 هي الناس خرجت ليه في 2011 خرجوا عشان شعروا ان الدولة لا تستطيع ان تقدم لهم المطلوب'.

وأكمل: 'محدش كان واخد باله ان الدولة مقدرتش تقدر تقدم لهم المطلوب مش عشان هي مش عايزة تديهم او اي حاجة تانية لا، هي قدرات الدولة لا تستطيع ان تلبي لهم ذلك، بالدليل النهاردة اتكلمت عن خطتنا إنه خلال الـ8 سنوات الماضية تكلفت قيمة البنية الأساسية 10 تريليون'.

وأردف: 'كتير بيعتقد ان المبلغ دا مكنش مفروض ينفق على البنية الأساسية اللي معدلات نموها لا تستوعب النمو السكاني وناس عاشت على كدا سنين طويلة، وهي مش عارف ان اللي احنا في وضع غير طبيعي'.

وأكمل: 'الناس خرجت في 2011 عشان حسوا إن الدولة لا تستطيع أن تقدم لهم المطلوب، ومخدوش بالهم إن دي مش رغبة الدولة ولكن قدراتها لا تستطيع تلبية ذلك، ومصر خسرت 400 مليار دولار في الفترة دي رغم أنها كانت أحوج لكل دولار'.