فتح الفنان عبدالباسط حمودة، النار على المطرب محمد الحلو، بعد استبدال الأخير لكلمات أغنية عمار يا إسكندرية، إلى عمار يا سعودية، أثناء غنائه في إحدى الحفلات بالمملكة.
وقال عبدالباسط حمودة: 'أنا أحييت حفلات في السعودية، قبل ما أي حاجة بقول مصر قبل ما أقول أي حاجة، بقول أنا بحب جمهورية مصر العربية، وبعدها بقول السعودية، أو أي بلد تانية، ولو الفنان مش شاطر ونجم السعودية مش هتاخدوا، مصر هي اللي بتحيي الحفلات، ولا كلمة تتقال إحنا النجوم هنا، وأي واحد نجم طلع من هنا'.
مصر أم الدنيا والفن
وخلال تصريحات لـ 'أهل مصر' تابع حمودة: 'مصر أم الدنيا وأم الفن، إحنا اللي خلينا محمد عبده بقا نجم، وطلال المداح الله يرحمه ووردة بقوا نجوم من مصر'.
واختتم حمودة: 'إحنا بلد الفن والجمال وأي واحد بيجي هنا بينجح'.
وفي وقت سابق أثار الفنان محمد الحلو حالة كبيرة من الجدل، بعد استبداله كلمات عمار يا إسكندرية، إلى عمار يا سعودية، وهو ما جعله يقع في مرمى الانتقادات.
تابعوا آخر أهل مصر على Google News
