الرئيس السيسي: «إحنا في ظروفنا الحالية معندناش غير الأفكار لمواجهة وحل التحديات»

قال الرئيس عبد الفتاح السيسي، إنه نهدف إلى الوصول توصيف حقيقي للواقع الحالي للوصول لحلول للمشاكل التي تواجه الدولة.

وأضاف 'السيسي'، خلال كلمته أثناء الاجتماع بأعضاء المجلس الأعلى للجامعات، ضمن فعاليات يوم الاحتفال بتفوق جامعات مصر، المذاع على فضائية 'اكسترا نيوز'، اليوم الثلاثاء، قائلًا: 'إحنا في دولة زي الظروف اللي فيها مصر معندكش غير افكار تحل بيها مسائل وتحديات الدولة، وعايز اقولكم أنا بعتبر الـ10 سنوات الماضية كانوا عبارة عن مرحلة انتقالية لسد الثغرات والفجوات، اللي كانت في كل قطاعات الدولة في التعليم والصحة، احنا عملنا فقط 50% من البنية الطبية بنحو 700 مستشفى من 1400'.

وأكد السيسي أن سوق العمل في أشد الحاجة لمئات الآلاف من العاملين بمجال الرقمنة، معقبًا: 'هو أنا النهاردة الشاب اللي هيدخل كلية الآداب والتجارة والحقوق فرصة العمل بتاعته قد ايه، احنا تعليم عملنا ايه عشان نقنع الاولاد والأسر انه ميبقاش مهتم فقط أنه يكون معاه شهادة والاسرة تقول أنا خلصت ذمتي وعلمت أولادي، الاربع سنين في الجامعة هي فرصة متاحة للأسرة والجامعة لبناء شخصية قادرة تلاقي فرصة عمل تعيش.. لكن احنا معملناش كدا'.