السيسي: تدريب المعلمين في الأكاديمية العسكرية يساعدهم على الالتزام بدورهم

قال الرئيس عبدالفتاح السيسي، اليوم الثلاثاء، إن الجهاز الإداري للدولة المصرية في حاجة ليكون أكثر التزامًا.

وأضاف 'السيسي'، خلال حديثة في جلسة بناء الإنسان ضمن فعاليات يوم الاحتفال بتفوق جامعات مصر، المذاع على فضائية 'إكسترا نيوز'، اليوم الثلاثاء، أن مهمة المعلمين خطيرة في إعداد الإنسان المصري، وتدريب المعلمين في الأكاديمية العسكرية يساعد في إعداد معلم ملتزم للقيام بدوره.

وأوضح أن الدولة تنفذ مشروعات للتدريب والتأهيل في الأكاديمية العسكرية المصرية، مرادفًا: 'تم تأهيل 1000 مدير وقولت للدكتور رضا حجازي وزير التعليم أن الألف دول هيكونوا قيادات للمدراس يكون معهم معلمين مميزين عشان تكون الفكرة على بعضها قابلة للتمييز وليس النجاح فقط'.

السيسي: إحنا بنحاول نحسن أكثر ونطور أكثر في ظل موارد إنها مش موجودة

وأكمل، قائلًا: 'إحنا بنحاول نحسن أكثر ونطور أكثر في ظل موارد إنها مش موجودة زي ما قال الدكتور رضا حجازي والدكتور أيمن عاشور.. لازم تختار كويس وتدرب كويس وتأهل كويس.. التأهيل والتدريب عملية لا تنتهي للقائم بأي وظيفة.. محتاج دائما برامج تدريب وتأهيل'.

وتابع: 'أنا بس حبيت اتكلم في النقطة دي لأننا عملناها مع وزارة النقل في السكة الحديد أو المترو.. وكمان وزير المالية البرنامج الفني من قبل الوزارة ولا نتدخل فيه.. أنا مش بعسكر.. مفيش الكلام ده.. اللى بيقول الكلام ده دائما هدفه التشويه ويسئ ويبث السموم في قلوب وعقول الناس ويحطم الأمل في بكرة من خلال شائعات وأكاذيب وإفك في ظل ظروفنا الحالية'.