قال الرئيس عبدالفتاح السيسي، إن التعليم الأساسي هو الأساس الحقيقي الذي ستنطلق منه الدولة لحلمها البعيد، ونهتم بالتدريب لعمل إعادة صياغة الشخصية المصرية.
وأضاف 'السيسي'، خلال جلسة بناء الإنسان ضمن فعاليات يوم الاحتفال بتفوق جامعات مصر، المذاع على فضائية 'اكسترا نيوز'، قائلًا: 'أنا عاوز معلم يروح المدرسة الساعة 6 الصبح، فأنا بقعده 6 شهور يصحى الساعه 5 الصبح.. عاوز معلم يهتم بالرياضة.. طيب هو مكنش بيلعب رياضة قبل كده..بحط إطار عام والفنى مش بتدخل فيه، ولو أقدر أعمل ده أدخلهم الأكاديمية العسكرية في كل مؤسسات الدولة هعمله.. علشان الجهاز الإداري للدولة يبقى أكثر التزامًا وانضباطًا وتقدمًا واستعدادا للعطاء'.
وأكمل: 'طيب انا بعمل ده ازاي؟ عن طريق الأفكار.. طيب لو حد عنده أفكار أخرى يقولى عليها ونعملها.. يتعملهم انتقاء وكل الموضوعات اللى اتحقق كفاءة الاختيار ثم بنبذل جهد معاهم علشان يبقوا جاهزين من خلال التعليم الفنى ياخد دبلومة ثم مع المدرسين اللى بيتم انتقائهم ولو عندى فرصة أعمل كده مع 30 ألف كنت عملت بس مقدرش أقعدهم 6 شهور كده'.
وتابع: 'أيوه؟ علشان تصحى الساعة 6 الصبح وتنتبه للرياضة وتخلي بالك من الانتماء والولاء لأبنائنا وبناتنا، لان كل اللي هتقوله ده هيتحط في عقول أطفال صغار ثقافتك وممارساتك هي دي اللي الطالب هيشربها منك فانا محتاج اطمن صياغة شخصية بنعطيها أطفالنا'.
تابعوا آخر أهل مصر على Google News
