الرئيس السيسي مداعبًا وزير المالية: دايما مقطع قلبي على الفلوس

قال الرئيس عبدالفتاح السيسي، إن المواطن البسيط الذي لديه أسرة تتكون من فردين لـ 3 أفراد بيعمل جمعيات علشان يربيهم، عايزين تبنوا مصر كده يعني، هو احنا في مغامرة واحدة دخلنا بيكم فيها«.

وخلال كلمته على هامش جلسة «واقع الاقتصاد المصري» بمؤتمر «حكاية وطن»، المذاع على قناة «إكسترا نيوز»، اليوم السبت تابع: «أنتو بتعتبروا التنمية والبناء والإصلاح مغامرة ياااااه، لا تختزلوا قضية بلدنا ومتفرجوش الناس علينا اصمدوا اصمدوا وحولوا الظروف القاسية لمنحة وصدقوني كل ما هتصمدوا كل ما هتلاقيها بتعدي ومثلما عدت سنوات أزمة كورونا».

حكاية وطن

وواصل السيسي: «كنت بقولهم أنا هقفل بيت 5 مليون مواطن ميلقوش ياكلوا ولا يشربوا مرضيناش نعمل كده»، مردفًا: «أن المجاعة في دولة معينة استمرت من عام 52-68، ومات بها 25 مليون مواطن، وعملوا برنامج ضبط النمو السكاني منذ 68 واطلقوا الانجاب عام 2017، وأصبحت دولة عظمي، اوعوا تفتكروا لما دولة يموت فيها 25 من قلت الأكل مقاموش هدوها قاموا يبنوها ولما قاموا يبنوها بقت عظمى النهارده ده الدرس اللي تتعلموه».

واختتم السيسي: «الدول مبتجيش كده، الدول العظمى كلها تضحيات مش بس في المعاناة لكن في العمل ناس بتعمل ومبتاخدش حاجة»، معقبًا ضاحكًا: «اكمن الدكتور معيط دايمًا يقطع قلبي بالكلام عن الفلوس كل مرة يقولك احنا والله والمالية العامة كويسه جدًا وأنا شغال طول النهار، مش كده يا دكتور».