أشاد الإعلامي عمرو أديب بـ مؤتمر حكاية وطن الذي انطلق منذ أمس لعرض إنجازات الدولة خلال الفترة الماضية، قائلا: 'كان فيه ناس في الصعيد بتمشي 100 كيلو علشان تعدي الناحية التانية من النيل.. النهارده كل 25 كيلو فيه كوبري ومحور'.
وخلال تقديم برنامجه 'الحكاية' عبر فضائية 'إم بي سي مصر' تابع أديب: 'الفترة الجاية محتاجة تغيير في الأفراد والسياسات.. عندنا مشاكل وعاوزين نحلها مش تزيد'.
وواصل أديب: 'في ناس كتير عاوزه تحل المشاكل وتشارك وتجتهد، الموضوع ليس فقط في الانتخابات الرئاسية، لكن الأهم يكون عندنا ناس قادرة على تقديم الحلول والمرور بالبلد من الأزمات'.
وفي وقت سابق قال الرئيس عبد الفتاح السيسي رئيس الجمهورية: 'إحنا بنقول للناس ثقوا في أنفسكم مش فينا وبنقول للناس في أمل ومش إحنا أصحاب الأمل أنتم أصحاب الأمل، متابعا: أنا كنت دايما بقول مشكلتنا في عملية تسويق القدرات اللي الدولة بتقوم بيها، وإحنا مش بنسوق علشان نقول الحكومية بشتغل بس بنعمل كده علشان الناس تعرف الدولة بتعمل إيه'.
مؤتمر حكاية وطن
وخلال مؤتمر 'حكاية وطن' أشار إلى أن الدولة استطاعت في آخر 4 سنين العمل على 4 ملايين فدان، مشيرا إلى أن الرقعة الجديدة تساعد على تشغيل عدد من كبير من المواطنين، موجها تساؤلا لوزير الزاعة عن عدد الأسر التي يمكن أن تعمل على مساحة الـ 4 ملايين فدان؟.
ومن جانبه، أكد السيد القصير وزير الزراعة، أن الـ 4 ملايين فدان تستوعب عمل 8 ملايين أسرة.
تابعوا آخر أهل مصر على Google News
