الرئيس السيسي: تكلفة استصلاح 4 ملايين فدان تبلغ حوالي تريليون جنيه

قال الرئيس عبد الفتاح السيسي، موجها كلامه لوزير الزراعة السيد القصير: 'نتكلم في الكميات، أنا كاتبها قدامي، في حاجات أنت مش حاططها ليه؟.. الـ60 ألف فدان مابيتحسبوش عندك؟ أنت قلت توشكى وشرق العوينات وسيوة، فين بقى كوم أمبو؟'.

وخلال جلسات مؤتمر حكاية وطن تابع الرئيس السيسي موجها حديثه لوزير الزراعة: 'أنت في الأرقام اللي ذكرتها في تكلفة الاستصلاح قلت الفدان بيتكلف 250 ألفا وأنت بتتكلم في 4 ملايين فدان، يعنى تريليون جنيه، أنت كاتبهم ليه قليل كده؟'.

مؤتمر حكاية وطن

وتابع: 'بتتكلم في 4 ملايين فدان، معالي الوزير عارف كويس أوي حاجته بصراحة يعني، بس هو بيتكلم عن اللى هيدخل حيز الإنتاج خلال العام الزراعى دا هو اللى عاوز يتكلم عليه، إحنا بنتكلم على اللى إحنا مخططينه خلال بالكتير سنة ونص أو سنتين، لو بتتكلم عن إنك تضيف 4 ملايين فدان في أرض ظروف مصر فيها، معندناش مياه ممطرة على مدار العام 8 أو 9 أشهر أى حتة هنصلحها تزرع زى ما انت ذكرت علشان نعمل فى توشكى المشروع بتقول حائط صخرى، الـ7 كم، وفضلوا موقفين المشروع العشرين سنة اللى فاتوا، ليه متقولش تريليون جنيه، إحنا مبنقولش حاجة أبدا مش صادقة، الرقم اللى قلته فى الأول أنا اتخضيت، قلت مش عاوز يقول الفلوس ليه؟'.