عمرو أديب يكشف سبب عدم إصدار البيان الختامي لقمة القاهرة

قال الإعلامي عمرو أديب، إن سبب عدم إصدار البيان الختامي لقمة القاهرة للسلام، والتي عقدت السبت في العاصمة الإدارية، هو مطالبة بعض الدول الغربية بإدانة ما حدث في 7 أكتوبر 2023 «عملية طوفان الأقصى».

وأضاف «أديب» خلال تقديمه لبرنامج «الحكاية»، عبر فضائية «MBC مصر»، مساء السبت، أن بعض الدول الغربية تطالب بتصنيف ما فعلته «حماس» بأنه عمل «إرهابي»، والتأكيد على حق إسرائيل في الدفاع عن نفسها.

وتابع: «البيان كان لازم يعبر عن الناس اللي موجودة في القمة، اللي هما الدول الأوروبية والدول العربية ومصر الداعية للمؤتمر، هيقول لك حط في البيان إنك عايز تدافع عن الفلسطينيين، ولكن لازم تدين اللي حصل في 7 أكتوبر وتقول إن ده إرهاب، ولازم تذكر حق إسرائيل في الدفاع عن نفسها، كلهم جايين جمعاء بس عشان الموضوع ده».

واستكمل: «أنت كمصر ودولة، هذا هو ملفها وأمنها القومي وتاريخها وجغرافيتها، إنت بتقول الناس تعالوا نشرح ونفهم، وأيا كان وجهة نظركم إحنا لازم نشوف اللي بيجري دلوقتي ونشوف نخلصه إزاي، ولا تكون الفكرة الوصول إلى وقف إطلاق نار ثم ننسى القضية مثلما حدث بالماضي، لازم المرة دي نوصل لحل، عايزين حل إدوا ناس حقوقها، الفلسطينيين باقي في أرضهم 11%».