مرتضى منصور: "كل المصايب اللي حصلت لي بسبب نادي الزمالك"

قال المستشار مرتضى منصور، رئيس نادي الزمالك السابق، إن كل المصائب والمشاكل التي حدثت له بسبب نادي الزمالك، معقبًا: مشكلتي مع لمياء خيري بسبب الزمالك، قضيتي مع محمود الخطيب بسبب الزمالك، والمشاكل اللي حصلت ليه مع كل الناس بسبب الزمالك، وفي الاخر عصابة احتلت النادي وسلمته لممدوح عباس'.

وأوضح مرتضى منصور، في تصريحات خاصة لموقع وجريدة 'أهل مصر'، أنه بعد حُكم النقض اليوم السبت، بإيقاف حبسه 6 أشهر بقضية سب وقذف لمياء خيري، تأكيدًا على حضوره جلسة الحكم وعدم هروبه كما أثير، متابعًا: اللي قالوا اني مش جاي عشان عندي خشونة مفيش أسد بيهرب'.

وأضاف: 'أنا مش عايز أرجع نادي الزمالك التاني لكن عايز النادي يرجع تاني زي ما كان، بقول لحسين لبيب عندك مرشد اسمه ممدوح عباس وأنت سلمت النادي وابنه ايمن، والجماهير نسيت العشرية السودا لممدوح عباس وهما فرحانين بيه دلوقتي'.

وأكمل: 'وزير الرياضة اتحايل عليا اخد قرض نصف مليار بضمان أصول النادي وأنا رفضت، ولما تركت النادي كان في البنك 100 مليون، والشركة الراعية عليها 120 مليون للنادي، أنا كنت سايب نصف مليار للزمالك'.