قررت المحكمة الإدارية العليا بمجلس الدولة، اليوم السبت، تأجيل جلسة حكمها في الطعن المقدم من هيئة قضايا الدولة بالنيابة عن وزير الرياضة ومديرية الشباب والرياضة بالجيزة، على حكم عزل المستشار مرتضي منصور من رئاسة نادي الزمالك الصادر عن محكمة القضاء الإداري، لجلسة الغد.
تأجل طعن مرتضى منصور
وعقب مرتضى منصور، بعد خروجه من مجلس الدولة، في تصريحات لجريدة وموقع 'أهل مصر'، قائلًا: 'اللي رافعين القضية ضدي مشطوبين من الجمعية العمومية ملهمش صفة ولا مصلحة ولا اترشحوا لرئاسة النادي دول أعضاء فشلوا وسقطوا'.وأضاف، قائلًا: 'وانا معزول وقاعد في البيت الفريق كان بيتهزم ومفيش بطولات، موظفين مش بيقبضوا مفيش جنيه في الخزنة، والنادي كان بينهار'، متابعًا: 'اول ما رجعت موظفين وعمال فرق رياضية كلهم بيقبضوا مرتباتهم، غيرنا المدير الفني وبياخد مرتباته، صلحنا حمامات السباحة والشمسيات'.
وأكمل: 'أنا معنديش اي مشكلة وبحترم أحكام القضاء وعلى راسي، لكن بقول لوزير العدل في مكانين فيهم غلط، ومتقدم ضد محمود الخطيب رئيس النادي الأهلي ولجانه 286 بلاغ ولا واحد تحقق فيه لغاية دلوقتي'.
وأكمل: احنا مش عيال صغيرة كل شوية نفس البلاغات اللي واخدين فيها براءة.. ولو أنا صاحب حق انا عايز حقي والخطيب مش فوق القانون وأنا مواطن درجة تانية وعادي'.
وفي وقت سابق، أوصت هيئة مفوضي الدولة بمجلس الدولة، بقبول طعن هيئة قضايا الدولة نيابة عن وزير الشباب والرياضة ومديرية الشباب والرياضة بالجيزة، ومرتضى منصور، على الحكم الصادر ضد الأخير بعزله من رئاسة الزمالك.
تابعوا آخر أهل مصر على Google News
