قطة شربت من نفس الكوباية وماتت في الحال.. محامي أسرة طالبة العريش يُفجر مفاجأة

كشف إيهاب ثروت أحد جيران نيرة الزغبي طالبة العريش تفاصيل اللحظات الأخيرة في حياة الفتاة قبل وفاتها قائلا: 'البنت كلمت والدتها وقالتلها أنا خارجة مع صاحبتي شروق وأصحابي تانيين وبعدها البنت وهي بتكلم والدتها فضلت ترجع وقفلت السكة'.

وخلال مداخلة هاتفية ببرنامج 'الحكاية' تابع ثروت: 'في دكتورة كلمت والدة نيرة وقالتلها الحقي بنتك ولما راحوا كانت البنت توفت وقالوا هبوط حاد في الدورة الدموية.. وبعد دفن نيرة لقينا في محادثات متعلقة بجروب الدفعة بتنزل على السوشيال ميديا وبدأنا ناخد بالنا من تليفون شروق ونشوفه ولقينا المحادثات اللي فيها التهديد والتنمر ورسائل اعتذار من نيرة لـ شروق'.

نيرة الزغبي طالبة العريش

وأكمل: 'أسرة نيرة بتطالب بتشريح جثمانها ومعرفة سبب وفاتها الحقيقي خاصة بعد تعرضها للابتزاز والتهديد من أصحابها'.

ومن جانبه قال أحمد سلامة محامي أسرة الطالبة إنه متواجد الآن بمقر النيابة التي تباشر التحقيقات مشيرا إلى أنه سوف يطلب تشريح الجثمان.

وخلال مداخلة مع الإعلامي عمرو أديب ببرنامج 'الحكاية' تابع 'سلامة': 'دي زي بنتي وأنا واخد الموضوع شخصي مش مجرد موكلة عندي، والنائب العام مهتم بالقضية وإن شاء الله مش هنسيب حقها'.

وأكمل 'سلامة': 'نيرة كانت صايمة وشربت عصير مع أذان المغرب من 'كوباية' وبعد دقائق في 'قطة' شربت من نفس 'الكوباية' وماتت في الحال، يعني في تسمم.. هل هي اللي شربته بمزاجها ولا اتحط ليها ده اللي عايزين نعرفه'.