زعلت لأنه قلدني.. مبروك عطية يكشف سر خلافه مع عادل إمام

كشف الدكتور مبروك عطية عن سبب حزنه من الفنان عادل إمام، الذي قلده في أحد مقاطع الفيديو.

وخلال لقائه في برنامج "ع المسرح"، قال "عطية": "أنا مزعلتش إنه قلدني لكن زعلت أنه قلدني في مقطع مقصود لحجات تانية ولكن هو لو كان قلدني في طريقتي وأنا بسأل كنت هشكره".

وأكمل "عطية": "أنا ممكن أعمل أي دور تمثيلي مش دور البرعي بس في شاهد مشافش حاجة، بس يدوني 10 ملايين دولار أديهم للغلابة والمساكين ويروحوا غزة ومش عايز أقبض منهم دولار واحد، يروحوا غزة ولا هقول كلمة وحشة ولا عيبة ولا هتجاوز في حق حد".

وواصل "عطية": "الحياة بقت مفتوحة بالخيبة والخسارة والفشل وأزمة الدولار وغلو الحاجة حتى في أمريكا، ياريتها ما انفتحت وكانت مقفولة والناس بتحترم بعضها ومحصلش اللي حصل لغزة وأطفال غزة ونساء ورجال غزة ورمضان غزة، هي مفتوحة بشوية تكنولوجيا، ولو ابني حتة مني هيحب إني افتش موبايله هافتشه من باب إن اطمن عليه".