شريف مدكور: الشتيمة جابتلي السرطان.. ومش عايز أخلف عشان ولادي ميتعرضوش للتنمر

تحدث الإعلامي شريف مدكور عن إصابته بمرض السرطان، وسبب عدم إنجابه، وأيضًا عن سبب تسميته بلقب مذيع ستات مصر.

وخلال تصريحات تليفزيونية ببرنامج 'ع المسرح'، قال 'مدكور': 'إصابتي بالسرطان من كتر الشتيمة والتنمر وأنا في صراع مع المجتمع، ومكنتش بخلي أبويا وأمي يسمعوا الشتمية، ومش عايز أخلف عشان ولادي ميتعرضوش للتنمر'.

وأكمل 'مدكور': 'أنا مش من نوعية الناس اللي بتخاف ومعنديش مشكلة أخسر الجمهور بس مخسرش نفسي، وفي حاجات سياسية بتكلم فيها مش بتعجب الناس ودينية، وبطلع في وجه طفولي في شويه براءة عشان هو برنامج ترفيهي لأسرة'.

وعن سبب عدم ارتباطه حتى الآن، قال 'مدكور': 'ارتباطاتي بتبوظ بسبب طبعي الصعب وعندي وسواس في النظافة، وصاحب الفضل عليا هو أنا وبحب نفسي جدًا'.