اعلان

مسلم: الفلوس كل حاجة.. واللي بيعمله محمد رمضان «حرية شخصية»

مسلم
مسلم

علق مطرب المهرجانات مسلم على حبه للمال، بجانب حديثه عن الفنان محمد رمضان، والنجاح الذي حققه على مستوى الغناء.

وخلال استضافته ببرنامج "أسرار" مع الإعلامية أميرة بدر المذاع على قناة النهار، قال "مسلم": "عندي شهوة الشغل والفلوس، وأنا مدير أعمالي، وبحب الفلوس أوي، الفلوس بتعمل كل حاجة، وقادرة تخلي الناس اللي مكانتش بتبصلك، تبصلك، وعشان أنا متربي تربية مش شبه الجيل ده أنا واللي شغالين معايا، وبالنسبة لي الفلوس مش كل حاجة، لكن دلوقتي بقيت أعتمد أن الفلوس كل حاجة".

وأضاف مسلم: "كام واحد قال الفلوس مش كل حاجة لما مسك فلوس بقى إيه، ناس كتير اتغيرت، أصل من غير فلوس هنعمل إيه، لو مشتغلتش على نفسي وأتعب وأجيب فلوس وأتطور وأطلع وأركب أحسن عربية وأسكن في أحسن بيت وألبس أحسن لبس، الناس أكيد مش هتعمل لك حساب".

وعن الفنان محمد رمضان، علق مسلم، قائلا: "رأيي في محمد رمضان أنه ناجح، واللي بيعمله حرية شخصية، لكن عمري ما أعمل كده، لأني بعمل الفلوس لنفسي، محبش حد لسه بيحاول يجتهد يشوف اللي عندي ويزعل ويضايق، لأني كنت مكانه في يوم من الأيام".

WhatsApp
Telegram
إقرأ أيضاً
عاجل
عاجل
مصادر لـ"أهل مصر": التعديل الوزاري لن يتم قبل إقرار الموازنة الجديدة