انتقد الإعلامي عمرو أديب؛ تزاحم الصحفيين خلال جنازة الراحل صلاح السعدني ومحاولة البعض منهم إجراء مقابلات مع الفنانين الذين حضروا إلى العزاء.
وخلال برنامج "الحكاية" المذاع على قناة "إم بي سي مصر"، قال "أديب": "أي عزا أو جنازة لفنان أو مشهور؛ هو بيطاردك لغاية الدفن؛ ودي المرحلة المؤلمة القاتلة لأي إنسان؛ هو بيجري وراك لغاية المدفن عايز ينزل معاك لحد تحت يصور أو يشوف".
وأكمل "أديب": "اللي بيصور ده بيصور إيه عايز إيه؟ إيه الخبر؟ الخبر راح عم صلاح السعدني مات وأن حضر عدد كبير من الفنانين وابنه كان موجود وإنما إيه ماسك الموبايل؛ إيه يا جماعة أنتوا فاهمين الموت إزاي ويقولك أصل إحنا شعب يقدس الموت ويحترم".
وتابع: "الناس كلها داخلة وطالعة تسب وتعلن أبعد عني يا إخي؛ بقى شيء مهين بقي شيء مقدمناش لنفسنا وللعالم بشكل جيد؛ إحنا بنشوف الناس لما بتموت في أي حته السكينة والراحة؛ أنا عملت ايه في حياتي أنا نازل من العربية عشان أعزى؛ اتفضل بيصور من إزاز العربية عشان أصور أحمد السعدني وهو بيعيط".
وواصل: "أنا بناشد المواقع والشباب اللي عايز يبقى صحفي هي دي الصحافة؟.. إحنا عندنا كل المواقع دي؟ هما كام موقع اللي ممكن تشوف فيه خبر؟ سبعة تمانية تسعة عشرة؛ مين دول؟ دا غير بقي حضرتك دا الكارت بتاعي عايزين نتقابل ونعمل انترفيو؛ احنا في ايه والا ايه".
وأوضح: "وكلة بقى يقولك إيه يافنان مفيش حاجة للصحافة؟ هي دي الصحافة دا بئس الصحافة؛ بص الراحل بيحط ايده جوه الازاز وبعدين يقولك أحمد السعدني يستخدم ألفاظ؛ بقى شيء محتاج التوقف والتأمل؛ دول مش صحفيين دول أرزقية؛ جايب 50-60 صورة وياخد عليهم حاجة".
وواصل: "اللي اتعمل في أحمد عبد العزيز ونصف الفنانين اللي في مصر؛ وبقي في حاجة من الابتزاز يقولك الموقع بص أصله قال كلمات نابية؛ ولاد عادل أمام كانوا جايين يعزوا بالنيابة عن أبوهم؛ انتوا عايزين عادل أمام يجي كده ويمشي كدة دا كانوا يخلصوا عليه".
واختتم: "أنا لا أدين حد متنرفز أو بيشتم أو مش طايق عندكم حق؛ أنا عندي حالة وفاة؛ أنا فاكر حصلت لي حادثة عربية حادثة موت واللي حواليا بيصوروني واللي نجدني 2 دكاترة معديين بالصدفة".
تابعوا آخر أهل مصر على Google News
