ياسمين عز عن طلاق نيللي كريم: محدش بقى بيعمر.. خليكي خبيثة في حياتك وداري على جوزك

علقت الإعلامية ياسمين عز على طلاق نيللي كريم وهشام عاشور والذي انتشر بشكل كبير على مواقع التواصل الاجتماعي المختلفة في الدقائق الماضية، مشيرة إلى أن المنازل التي تشهدها عيون الناس لن تكتمل ابدا أو تتعمر.

وخلال برنامج 'كلام الناس' عبر فضائية 'إم بي سي مصر' تابعت 'عز': 'انتشر من شوية خبر طلاق نيللي كريم من هشام عاشور والحقيقة أن السوشيال ميديا مش مخلي الواحد لسة هيوصل المعلومة للناس هما بدأوا يتكلموا عن نيللي كريم من ساعة ما الخبر نزل، ياريت ياجماعة ملناش دعوة بالسبب إحنا مش عايزين نعرفه وندعيلهم أنه يكون خير ليهم'.

طلاق نيللي كريم وهشام عاشور

وأكملت 'عز': اللي بيحصل ده بيأكد أن محدش بقى بيعمر ودي مؤشرات خطيرة في المجتمع.. كل واحدة تحافظ على جوزها ياجماعة، وأي حد بيوري حياته للناس مبيعمرش.. خليكي خبيثة في حياتك الشخصية وداري على جوزك خبيه من الناس وحافظي عليه.