عمرو أديب: «50% من المصريين لا يدفعون الضرائب والدولة مش لاقية فلوس»

علق الإعلامي عمرو أديب، على تصريح نائب وزير المالية للسياسات الضريبية بأن أعداد المتهربين من دفع الضرائب تصل إلى 50%.

وقال أديب، خلال برنامج «الحكاية» عبر قناة «إم بي سي مصر»، اليوم الجمعة، إن 50% من المصريين لا يدفعون الضرائب، وهذا الأمر يعني أن هناك 50% آخرون يمولون الـ 50% الأخرى التي لا تدفع، في ظل وجود مشاكل صعبة وكبيرة في الدولة، مضيفة: «والدولة مش لاقية الفلوس دي».

وتابع: «في مصر لو دخلت أي رعاية طبية مش داخلة في الضرائب، وكل الفلوس اللي بتدفعها للمدارس مش داخلة في الضرائب، الضرائب تأخد نسبة فقط من المصاريف التي تعترف بها، عشان كده محدش هيجيب لك فاتورة، إنما عايز تضبط المجتمع، هتلاقى الناس حريصة على تقديم الفواتير».

وأكمل: «على فكرة مفيش فواتير في مصر غير في المحلات، والسوبر ماركت، ومش كل المحلات، وفي محلات مفيهاش فاتورة، وهيقولك إيه رأيك تاخد فاتورة ولا أخفضلك، لأ، خفضلي طبعًا».