الغرف التجارية: قولًا واحدًا زيادة البنزين ستؤدي لارتفاع أسعار السلع

رد النائب محمد عطية الفيومي، أمين صندوق الغرف التجارية على سؤال مضمونه.. هل زيادة أسعار البنزين ستؤثر على أسعار السلع الفترة المقبلة؟.

وخلال مداخلة هاتفية مع الإعلامي عمرو أديب ببرنامج "الحكاية" عبر فضائية "إم بي سي مصر" قال "الفيومي": "قولًا واحدًا زيادة البنزين ستؤثر على أسعار السلع، وستشهد زيادة قريبًا".

ومن جانبه علق الإعلامي عمرو أديب على زيادة أسعار البنزين قائلا: "لو الحكومة مُجبرة على كده.. طيب المواطن يعمل إيه؟!.. أنا عندي عيال بينزلوا الصبح يروحوا المدرسة وبيركبوا مواصلات والتكلفة هتزيد.. الناس تعمل إيه؟".

وخلال تقديم برنامج "الحكاية" عبر فضائية "إم بي سي مصر" تابع "أديب": "يا جماعة ده حتى الحد الأدنى في القطاع الخاص اللي هو 6 آلاف جنيه لم يتم تطبيقه".

وواصل "أديب": "لازم يكون في حزم جديدة للناس تساعد في سد الفجوة الموجود حاليا، في أكل وشرب ودروس خصوصية، زي ما الحكومة بتعمل لزيادة مواردها لازم تبص للمواطن".

واختتم "أديب": "إحنا في 3 سنين ونص المحروقات زاد سعرها أكتر من 100%، طيب الناس هتعيش، وبكرة هترفع سعر رغيف العيش السياحي".