أبوس إيدك غني بس.. تامر أمين يدافع عن شيرين: "ما حدث منها بسبب محمد رحيم زلة لسان"

علق الإعلامي تامر أمين، على اعتذار الفنانة شيرين عبدالوهاب عن زلة لسانها بعد المطالبة بقراءة الفاتحة على روح محمد رحيم.

وقال أمين، خلال تقديمه برنامج 'آخر النهار'، المذاع عبر فضائية 'النهار'، إن ما حدث من شيرين في حفلها الغنائي في الكويت هو زلة لسان غير مقصودة تحدث لأي شخص، معقبا: 'كلنا بنغلط، وممكن أقول كلمة مكان كلمة وأنا على الهواء، دي حاجة عادية طالما في حسن نية'.

وأضاف: 'أنا بساندها وعذرها جدا وانا اكتر واحد دعمتها على ترجع أنها موهبة مصرية يجب ان تعود للتالق، لكن امبارح وكالمعتاد مشكلتها اول ما تمسك المايك وتكلم الناس وحبت تعمل لافتة كويسة لكن ما حدث مع شيرين في حديثها عن محمد رحيم زلة لسان، وعندها حسن نية ومع ذلك الناس مسكتها سلخ وجلد، وأنا في رأيي بقى فيه انحيازات وقسوة في الحكم والتقييم للناس أنا مستغربها، حد في ظروف شيرين اللي عارفينها، ودي أول حفلة ترجع وتظهر فيها، نسندها ونساعدها ونطبطب عليها ولا نستنى غلطة عشان ندبحها ونخلص عليها خالص؟'.

وتابع: 'واضح أنها زلة لسان.. أرجو يكون في نوع من أنواع الرحمة و الهدوء والموضوعية في التقييم'، موجها نصيحة لشيرين قائلا: 'بقول لشيرين، أبوس إيدك هو أنتي لازم تتكلمي، لازم تعملي مدخلات في النص متغني بس يا ست البنات، أنتي لو غنيتي بس هتبقي ملكة لا يضاهيكي أحد، المصيبة اللي ما بين الأغنيات، اتفقوا مع مهندس الصوت إنه لما تخلص أغنية اقفلوا عليها المايك'.