عمرو أديب عن اجتماع قبرص: الناس سابت القمة وقالت الرئيس السيسي واقف جنب الشرع وما بيتكلموش

قال الإعلامي عمرو أديب معلقا على الفيديو الذي جمع بين الرئيس أحمد الشرع والرئيس عبدالفتاح السيسي: «الناس سابت القمة المهمة.. مسكت في كام ثانية وقالت لك: بص الريس ما بيبصش للريس، ومش بيكلمه.. طب حد فيكم شاف قبلها؟ حد شاف بعديها؟.. شفتوهم وهما قاعدين بيتكلموا على جنب؟.. شفتوهم وهما بيشربوا قهوة أو بيتغدوا سوا؟».

الفيديو الذي جمع بين الرئيس الشرع والرئيس السيسي

وأضاف «أديب»، خلال حلقة اليوم من برنامجه “الحكاية”: اللي حصل إن كل واحد كان مركز وبيحضر في دماغه هيقول إيه، خصوصا إن الحدث كبير ومهم، طبيعي تلاقي كل واحد ساكت شوية ومشغول بكلامه.

وتابع أديب: وبعدين، زي ما شفنا، الرئيس كان بيتكلم مع ناس تانية من القبارصة واليونانيين وغيرهم وفي الصور التذكارية وقفوا جنب بعض عادي، وبعدها بشوية بدأ الكلام بينهم بالفعل، والرئيس الشرع قرب واتكلم مع الرئيس السيسي، والرئيس كان بيسمع باهتمام بطريقته المعروفة.

وواصل: يعني باختصار، مفيش أي حاجة غريبة ولا سلبية زي ما بعض الناس بتحاول تصور.. هم اتكلموا عادي جدا، وكل حاجة كانت ماشية بشكل طبيعي، لكن الغريب إن في ناس سابت كل تفاصيل المؤتمر المهمة اللي اتقال فيه وإيه نتائجه ومسكت بس في لقطة صغيرة وفضلت تبني عليها قصة كاملة.