علق مرتضى منصور رئيس نادي الزمالك، على فوز فريقه أمام بتروجت بهدف دون رد في المباراة التي أقيمت مساء اليوم الثلاثاء على ملعب النادي ضمن منافسات الجولة 15 من مسابقة الدوري المصري الممتاز.
وقال مرتضى منصور، "ببارك لجمهور الزمالك وبتروجت فريق قوي جدًا وماتغلبش غير ماتش واحد قبل الزمالك فريق قوى الزمالك الشوط الأول غير الشوط الثاني وتغييرات محمد حلمي فرقت في المباراة وفي فرص كتير ضاعت لينا الشوط الثاني".
تابع حديثه قائلًا، "كل اللاعيبه القديمة باسم مرسي وغيره مرتضى منصور اللي جايبهم مش حد تاني، وأنا سعيد بالفريق النهاردة لو كان محمد حلمى التغلب كان الكل هاجمني لما لما ينكسب بيقولوا عبقارية المدرب وده مش بيفرق معايا".
واصل حديثه، "سعيد بأداء الحكام دلوقتي سواء أمام الأهلي إمبارح أو الزمالك النهاردة" وعن فرص الزمالك بالتتويج ببطولة الدوري قال، " الدوري لما يحسم للأهلي وكل ده كلام وهمي".
وشن مرتضى هجومًا عنيفًا على مجدي عبدالغني قائلًا، "مجدي عبدالغني بدأ مرحلة الاستهبال بتاع الاستبدال، قبل البطولة اتفقنا على لوائح لازم نطبقها كل الأندية وافقت على عدم وجود الاستبدال والقائمة تكون ٣٠ لاعبًا بدل ٢٥".
أضاف منصور، "بقول لعامر حسين إزاي الأهلي لعب إمبارح وهيلعب الأحد واحنا عندنا ماتش النهارده وهنلعب السبت".
تابعوا آخر أهل مصر على Google News
