قامت الإعلامية مفيدة شيحة خلال تقديمها برنامج "الستات مايعرفوش يكدبوا" المُذاع عبر فضائية "سي بي سي"، بتقديم دليل التعامل مع السيدات عن طريق شرح لاشهر مصطلحات بتقولها الستات :
حبيبي خمس دقايق ورجعالك
ده معناها انك تضيف 45 دقيقة كمان عشان هي تخلص اللي بتعمله ده بالتوقيت النسائي
المكان اللي انت عايزه
هي ما تقصدش تخليك تختار، هي تقصد انك توديها المكان اللي يريحها بس بتوهم انها بتخيرك
انا مش عايز اتكلم في الموضوع ده
يبقى لازم تعرف انها عايزة تتكلم في الموضوع ده، بس عايزة تتكلم فيه بحنية وود
لاء مفيش حاجة
لما تسئلها مالك ؟ وترد عليك تقولك لاء مفيش حاجة متصدقهاش لانه بالعكس دي عنده مصيبة ومخبياها
انا مش متضايقة
لما الست تقولك انها مش متضايقة فلازم تعرف انها متضايقة جدا، بس عايزاك انت تفهم لوحدك
انت بتعمل أيه
مش معناها انها بتسئلك، لا بالعكس دي شافت حاجة غلط انت بتعملها وبتنبهك عليها
هو انت وراك شغل؟
لما الست تسئلك هو انت وراك شغل ؟ معناها انك مشغول بحاجة عنها وهي عايزاك تركز معاها هي
انا بكرهك
لما تقولك انا بكرهك ده معناها انها محتاجاك تدلعها وتعاملها كويس
زي ما تحب
لازم تعرف انها مش بتسيبلك حرية الاختيار لا ده معناه انها معترضة اعتراض كامل على الموضوع اللي بتعرضه عليها
تابعوا آخر أهل مصر على Google News
