استنكر الإعلامي إبراهيم حجازي، الفيديو الذي نشره شادي حسين، مراسل برنامج «أبلة فاهيتا»، على صفحته على موقع التواصل الاجتماعي، ويرافقه الفنان الشاب أحمد مالك، والذي يسخر فيه من قوات الأمن المركزي، المتواجدة في ميدان التحرير، لتأمين احتفالات الذكرى الخامسة لثورة يناير.
وقال «حجازي» خلال تقديمه لبرنامج «في دائرة الضوء»، والمذاع على قناة «النهار2»: «الفيديو اللي اتنشر ده إهانة للشعب المصري كله وليس رجال الشرطة فقط، ومفيش حد يقدر ينال أو يهين الشرطة لأن الشرطة أكبر من كده».
وأضاف قائلًا:«العساكر اللي أنت روحت تسخر منهم لو أي واحد منهم كان مسكك كان هيفسخك ويمزعك، وهيخلي وشك مكان قفاك، وما فعلتوه هو تصرف فردي ولا يمثل شباب مصر، لأن شباب مصر شرفاء، وفيه ملايين هما اللي قاموا بالثورة مش الـ 100 واحد اللي بيقولوا عليهم نشطاء».
تابعوا آخر أهل مصر على Google News
