حالة من الغضب سيطرت على أولياء الأمور جراء ارتفاع أسعار أغلب الأدوات المدرسية وزيادة المصروفات وزي المدرسة وحجز الدروس الخصوصية، في بداية العام الدراسي الجديد.
وقالت إحدى أولياء الأمور لـ"أهل مصر": "ارحمونا شوية الدرس السنة اللى فاتت الحصة كانت بـ 35 جنيه السنادي بـ 70جنيه، والوزير كل شوية يطلع قرار إنه هيلغي الدروس الخصوصية وزي قلته مش بيلغيها، والمدرس االمرتب مش بيكفيه فبيدى دروس خصوصية غالية، أكتر ناس حرامية في البلد الدكاترة والمدرسين، أنا بطلب من الوزير إنه يلغي الدروس الخصوصية أو يقلل سعرها".
وقالت سيدة أخرى: "أسعار الهدوم غالية جدا ومصاريف المدرسة بتعلى بشكل مبالغ فيه وملتزموش بقرارا وزير التربية والتعليم، والدروس الخصوصية غالية".
وأضافت أخرى: "أنا عندي طفل واحد لسه فى أولى ابتدائي عشان أجهزه للمدرسة دفعت 500 جنيه، اشتريتله شنطة بس بـ300 جنيه ودا طبعا غير مصاريف المدرسة زادت الضعف، الحياة بقت صعبة وأنا جوزي على باب الله".
تابعوا آخر أهل مصر على Google News
