الاحتفال بعيد الحب العالمي او ما يطلق عليه الفالنتاين هو ضمن طقوس النساء في مصر، حيث تنتظر حبيبتك او خطيبتك او زوجتك وحتى والدتك أن تعود لها في نهاية اليوم ومعك هدية فخمة تعبيرا عن الحب، واليكم في السطور التالية طرق للهروب من هذا المأزق في ظل تأزم الظروف الاقتصادية.
-بلاش تفاهة
الجملة كفيلة أنها توصل لحبيبتك انك مستاء جدا من اهتمام الشباب بحاجه زى الفلانتين، ووضح لها ان حياتكم كلها لازم تكون كل يوم عيد حب وفلانتين وان الهديه مش لازم تكون في يوم معين في السنة.
-اعمل زعلان
قبل الفالنتاين بكام يوم اتلكك زي اي راجل مصري، وامسك لها اي غلطة واعمل زعلان لغاية ما يعدي اليوم دا، وابقى صالحها بعدها بيوم.
-الورد
الهدية مش بقيمتها، بس افتركها ببوكيه ورد صغير وانت راجع من الشغل، واختار فيه اكتر من نوع ورد وافتي في معنى كل وردة عن حبك ليها واهتمامك.
-وانا راجع
الطريقة دي تناسب اكثر الناس اللي شغلها مأموريات لأيام او شهور، او في اماكن بعيدة تستلزم السفر، بس متنساش مكالمة من النوع الحنين الرقيق في اليوم دا اوله خالص وبالليل عن انك كان نفسك تقضي اليوم معاها.
-البدعة
كل بدعة ضلالة وكل ضلالة في النار وقوم صلي بيها جماعة عشان ربنا يبعد عنكم مشاكل وخناقات الفالنتاين، ومتنساش تدعي على اللي عمل العيد دا.
تابعوا آخر أهل مصر على Google News
