كشف الفنان "تامر حسني"، عن الأسباب التي اضطرت لاعب النادي الأهلي "حسام غالي" إلى الاعتزال، وذلك من خلال تحليل شخصي لاحظه من خلال طريقة كلامه التي تحدث بها، خلال إلقائه كلمات الافتتاح بمؤتمر اعتزاله لكرة القدم.
وعلق "حسني" عبر صفحته الرسمية على موقع التواصل الاجتماعي "فيس بوك"، قائلا: "تحليل شخصي مش أكتر وأتمنى يطلع غلط بس واثق انه صح .... اللي يقرأ بين السطور ويركز في كلمة هنا عايز يرتاح وتحديداً كلمة (مش قادر) يلاقي ان الراجل ده بيبكي من الضغوط والحروب النفسية اللي اتعرض ليها في حياته رغم انه بالفعل من احسن وارقى لاعبي مصر بيبكي وبياخد قرار ينهي بيه حياته الكرويه بسبب (طاقه سلبيه) خرجت من نفوس شريره مريضه تملكت منه وسيطرت عليه بخلاف اللي بينصح بمحبه فهو مشكور في الحقيقة".
ووجه "حسني" رسالة إلى لاعب النادي الأهلي، قائلا: "يا حسام انت فعلاً تقدر تكمل بس انا مش ضد القرار لأن إعتزالك وانت في قمتك هيخلد إسمك انا بس كان نفسي تاخد القرار من غير اي تأثير سلبي عليك عشان كان لازم تكسب المعركه دي عشان الأجيال الجايه تتعلم منك ميستسلموش لأي طاقه سلبيه".
وتابع "عموماً ربنا يكون في عونك وانت أدرى من أي شخص بحالك وان شاء الله ربنا يكتبلك الصالح ليك وهتوحشنا في الملاعب يا بطل، واتمنى انك تعمل ماتش إعتزال تاني في مصر عشان محبينك الكتااااار اللي مش هيقدروا يسافروا".
أقرأ أيضًا: ظهور شقيق "محمد صلاح" يصدم الجمهور في برنامج "معكم منى الشاذلي" (فيديو)
تابعوا آخر أهل مصر على Google News
