قال شريف خالد، الرئيس التنفيذي لمجموعة شركات فالكون للأمن والحراسة إن مصر تعاني من أزمة في الإعلام، واستنتاجات الخبراء التي قد تكون مبنية على تخمينات في الحوادث والأزمات.
وأضاف «خالد»، خلال لقاءه في حلقة أمس من برنامج «الملف»، المذاع عبر فضائية «العاصمة»: «في الدول الأخرى تجد الإعلام يتناول الحدث في نفس اليوم فقط، فيما يبدأ في اليوم التالي الحديث عن الإجراءات الأمنية التي تم اتخاذها».
وتابع «خالد»: «احنا النهاردة عندنا مشكلة تانية، الخبراء اللي بيخمنوا ويحللوا ويطلعوا بنتائج ويقولوا مين اللي عملها وأبعادها إيه وما بيكونش مر عليها ساعة، مفيش دولة في العالم كده».
واستطرد رئيس شركة «فالكون»: «الأزمات الداخلية بتتصعد في الخارج من خلالنا احنا، جزء كبير احنا السبب فيه، لذا احنا محتاجين مصداقية، لما حدث يحصل لازم جهة تطلع وتقول اللي حصل بشفافية، مثال على كده وزير الطيران».
تابعوا آخر أهل مصر على Google News
