أمير طعيمة يعلن اتخاذ الإجراءات القانونية ضد من سبه وتطاول عليه

بدأ الشاعر أمير طعيمة، في إتخاذ الإجراءات القانونية ضد كل من سبه، واخطأ في حقه وتطاول عليه، بعد كلام الأخير ضد النادي الأهلي وجمهوره.

وكتب أمير طعيمة عبر حسابه الشخصي قائلا: "مؤخرًا علي السوشيال ميديا أنا بدعي إن مفيش شخص ما تعرضش لجرائم سب وقذف يعاقب عليها القانون، وخاصة الشخصيات العامة من فنانيين ورياضيين وسياسيين وإعلاميين وغيرهم، وكله بيسكت لما وصل بينا الحال إن بقى أي شخص بلا قيمة، ممكن يدخل يهين أعراض أي حد، ويخرج من عنده يهين اللي بعده، وبرضه بنرجع نشتكي من المستوى اللي وصل ليه المجتمع".

وتابع أمير طعيمة: "أنا بدأت إجراءاتي القانونية، وحركت عدد كبير من البلاغات ضد كل من مارس ضدي السب والقذف، وخاصة من تجاوز في حق أمي ربنا يديها طولة العمر، وأبويا الله يرحمه اللي بين إيدين رب كريم، وزوجتي اللي ثلاثتهم ضفر الواحد منهم بكل اللي شتموه، عقوبة السب والقذف قانونا السجن مدة لا تقل عن ٦ شهور إلى ٣ سنوات وغرامة ومن بعد الحكم بيبقي لك حق طلب التعويض المناسب".

واختتم أمير طعمية: "اللي أهلوا ما ربوهوش يربيه القانون، احنا مش في غابة احنا في دولة علمت الناس الحضارة والأدب، طبقوا القانون كلكم وأوعدكم إن حالنا هينصلح".