وجهت سما المصرى رسالة إلى الفنانة مى عز الدين، من خلال حسابها الرسمي عبر موقع تبادل الصور والفيديوهات الشهير "إنستجرام"، تعليقاً على مشاركتها الاخيرة فى بطولة مسلسل "البرنسيسة بيسة"، ضمن سباق مسلسلات رمضان 2019.
وقالت سما المصرى: "مي عز الدين ممثله شاطره اوي بس مؤلف مسلسل البرنسيسه بيسة والمخرج كمان ظلموها في الدور دا لما فهموها أن البنات الشعبيات بيتكلموا بالطريقه الأوفر دي..مش لازم عشان تكوني شخصيه بسيطه في المجتمع تطلعي شرشوحه وصوتك عالي وجاهله وحالتك الماديه وحشه ووشك مقلوب فرده شراب طول ال٢٤ ساعه وبتتخانقي مع دبان وشك...البنات الشعبيات احسن من كده مليووون مره".
وتابعت سما المصرى: "يا مي انتي قدمتي شخصيات بسيطه كتير في التمثيل وكنتي بتضحكي وبسيطه ونجحتي فيها ليه الأوفر دا باه؟؟...انتي اشطر من كده بكتير ولازم المخرج والمنتج والسيناريست يتحاسبوا أنهم عملوا فيكي كده....حرام ظلموكي ذي ماظلموا ياسمين صبري وادوها بطوله وهي لسه مش مستعده لكده واهو مسلسلها كمان فشل ومحدش حس بيها وحرقوها وخلاص بدري بدري".
وأوضحت "المصرى": :فين ياجماعه نيللي كريم ولا منه شلبي ومنى زكي ويسرا والغول هند صبري...فين دول؟؟...بصراحه اللي بينتج الحاجات الغريبه دي لازم يعلموه الإنتاج سنه٢٠١٩ بيبقي اذاي ويتعلم يجيب الممثلات بجد مش الفاشينيستا الحلويين ومزز وخلاص....خساره والله".
اقرأ ايضا: بعد الهجوم على مسلسلها.. أول رد فعل لـ مي عز الدين مع جمهورها
وتواجه مى عز الدين مؤخراً العديد من الانتقادات على دورها وطريقة أدائها في مسلسل البرنسيسة بيسة، الذى يشاركه البطولة فيه كل من بوسى، أمير المصرى، ومحمد أنور، سليمان عيد، حجاج عبدالعظيم، وسامى مغاورى، وضياء الميرغنى، تأليف فاروق هاشم ومصطفى عمر، وللمخرج أكرم فريد وإنتاج شركة سينرجي للمنتج تامر مرسي.
تابعوا آخر أهل مصر على Google News
