تحدث مرتضى منصور، رئيس نادي الزمالك، عن أزمة محمود كهربا صانع ألعاب الفريق الأبيض، مشيرا إلى أنه لا يستطيع التحرك بدون موافقة النادي الأبيض، قائلا كهربا كان لاعب مغمور ومحتاج انضباط ولما لعب في الزمالك وقال عايز اروح السعودية وقعد يعيط هو وابوه ووافقت له، مشددا على أن أي ناد سيتعاقد مع كهربا سيقوم بمقاضاته وإيقاف قيده، وسيحصل على التعويض الذى يطلبه إن حدث ووقع لناد آخر.
وأضاف مرتضى منصور في مداخلة تليفونية خلال برنامج الزمالك اليوم الذي يقدمه خالد لغندور: كهربا كان عنده عربية طرشي ومش عيب انك ومش عيب يبقى من حارة لإنها بتطلع رجالة، ولكن الهدايا اللي كانت بتجيله من موسم السعودية ومش هقول كنت بتصرفها فين، ورجع قالي عايز اجي تاني، ووافقت له ورجع وعقده معنا 5 سنين".
وتابع: "ولكن هو ناكر للجميل وحصل على 80 مليون جنيه من موافقتنا على إعارته مرتين لاتحاد جدة، ومش هقول دلوقتى صرفهم فين، محضر لكهربا مفاجأة هيندم على اليوم اللي فكر فيه كده، وبقوله بلاش تلعب بالنار مع الأسود ولا يصح، وأنا اللى اتبنيته وجبته وكنت بتقول لي يا بابا.. إنت خليت فيها بابا؟.. ومنحتك فرصة وإتنين وتلاتة".
واختتم مرتضى منصور أن كهربا يتقاضى فى الزمالك 5 ملايين جنيه سنويا، وطلب أن يكون قيمة عقده 20 مليون جنيه سنويا، قائلا: "جبت لكهربا صورة خلال فترة معسكر الزمالك كان فين ومع مين، يروح تركيا يروح للإخوان يروح للجن الأزرق له عقد مع الزمالك وواخد مستحقاته بالكامل وبقول للجماهير تجاهلوه ده ناكر للجميل".
تابعوا آخر أهل مصر على Google News
