عرض الإعلامي عمرو أديب، مقطع فيديو قديم لخبيرة الأبراج بسنت يوسف في العام 2019، تتنبأ خلاله بحدوث كارثة طبيعية تؤثر على اقتصاد دول عظمى.
وقالت "يوسف": "هي عبارة عن جداول يتم العودة إليها، وهو نفس السيناريو اللي حصل عام 1918 في الإنفلونزا الإسبانية، وأنها بدأت من الصين واتهمتها الولايات المتحدة الأمريكية، وأنا مش قلقانة تماماً، لأن الفترات اللى جاية هنشوف فيها حاجات كتير في بلدان العالم، وبالنسبة لنا الوضع هيفضل تحت السيطرة".
وخلال مداخلة هاتفية ببرنامج "الحكاية" عبر فضائية "mbc مصر"، تابعت خبيرة الأبراج: "أتمنى موضوع فيروس كورونا هو اللى يفضل معانا لآخر السنة، لكن احتمال موضوع كورونا يهدى وممكن نشوف شهر ونصف أو شهرين الأجواء هادئة، وفجأة الموضوع يظهر بشكل أسوأ من الأول.
وأردفت يوسف: "أعتقد أن سنة 2020 هتخلص بنهاية شهر ديسمبر، لكن بعد كده هتحصل مفاجآت كتير، لأن كل اللي حصل ده بسبب وجود الكواكب في برج الجدي".
وأكملت خبيرة الأبراج: "اللي هيجي بعد فيروس كورونا هيبقى حاجة صعبة وهيستهدف جهاز المناعة، وبقول أننا مش هنرجع لحياتنا الطبيعية دي تاني، والزاوية اللي هتحصل في 20 ديسمبر دي محصلتش من 600 سنة، وبعدها كل حاجة في العالم هتتغير".
تابعوا آخر أهل مصر على Google News
