10 نصائح مهمة للحفاظ على صحة قلبك في صيام رمضان

وضع الدكتور شيف حسين استشاري القلب والأوعية الدموية والقسطرة التداخلية، 10 نصائح للحفاظ على صحة القلب في شهر رمضان الكريم.

10 نصائح للحفاظ على صحة قلبك في رمضان

١ - افطر بدري وأول حاجة اشرب كوباية مية أو أكثر ومن تمرة الى ثلاثة تمرات

٢- كل علي مهلك يعني بلاش تدبها بسرعة وبلاش تدبها جامد عشان تعرف تعمل الحاجات اللي بتحبها ومتروحش عليك نومه

٣- لو ضغطك عالي اشرب كركديه

٤- لو ضغطك واطي وعندك قولون ومعدة تعبانة اشرب عرقسوس

٥- خلي السحور قبل الفجر بشوية وقلل النشويات عن البروتين والدهون

٦- الرياضة المنزلية نصف ساعة على الأقل يوميا مش قبل الفطار ولكن الافضل بعد ثلاثً ساعات من الفطار

والصلاة تحرق ١٠ الى ٢٠ سعر في كل ركعة يعني صلاة التراويح في البيت تحرق بمعدل ٣٠٠ سعر حراري

٧- كبر دماغك وهدي أعصابك .. عشان بجد والله مفيش حاجه تستاهل تتضيع صيامك عشانها او تزعل نفسك عشانها

٨- النوم من ٧ الي٨ ساعات يوميًا

٩- قلل من الملح والمخلل والسكريات في الأكل وفرصتك يا كبير في رمضان تأخذ قرارك وتوقف التدخين

١٠- نوع اكلك وكل علي الأد عشان نَفَسك وخف من اللحمة الحمرة زي البط والحمام والمخ والبطاطس المحمرة يعني مش كل يوم محمر ومشمر ومتخليش حلويات رمضان اللي كلنا بنستناها تنسيك نفسك وتزودك ٢٠ ولا ٣٠ كيلو كدة ربنا يستر