كشفت الفنانة عايدة رياض، كواليس عملها مع الفنان عادل إمام في فيلم اللعب مع الكبار، قائلة: 'الفنان عادل إمام أستاذ كبير'.
وخلال حوارها في برنامج ' مساء دي إم سي' المذاع على قناة 'دي إم سي'، تابعت: 'كنت بصور فيلم وسمعت أن الفنان عادل امام بيعمل فيلم في الاستوديو اللي جنبي، وكنت عايزة اسلم عليه'.
وواصلت رياض: 'في مرة في الاستوديو لاقيت عادل إمام واقف بره الاستديو وقلته ازيك يا أستاذ عادل وقالي ازيك يا عايدة وقال لي: «على فكرة شفت لك فيلم أحلام هند وكاميليا وكنتي هايلة يا عايدة».
وأكملت رياض: 'طلبت التمثيل مع عادل إمام وقالي «عنيا» وبعد 8 شهور طلبني للتصوير معه في فيلم اللعب مع الكبار، وعادل إمام فنان مخضرم، ومشهد الضرب بين وبين عادل إمام صورناه مرة واحدة بس'.
واختتمت مازحة: 'كان فيه مسك جامد من الهدوم وهو ضربني وأنا ضربته'.
تابعوا آخر أهل مصر على Google News
