ياسمين غيث: كرهت الكيمياء في تانية ثانوي عشان مدرس اتحرش بيا

حكت الفنانة ياسمين غيث، عن قصة تعرضها لحادث تحرش خلال فترة دراستها في مرحلة الثانوية العامة، مشيرة إلى أن أحد المدرسين قام بلمسها أكثر من مرة بصورة غريبة وغير سليمة.

وقالت "غيث" عبر مقطع فيديو على على حسابها الرسمي بموقع "إنستجرام": "حصلتلي حادثة وأنا فى تانية ثانوي آذيتني وعشان كدة أنا فكراها لغاية دلوقتي، المدرس كان بيدرس ليا كيمياء كان سبب إني أكره المادة والمدرسة، كان من النوع اللي بيلمس بطريقة مش مُريحة و بيعمل ده مع أي بنت، وكان معروف ومحدش خد معاه أي إجراء؛ لأنه كان في منصب كبير فى المدرسة ولما حاول يمسكني بطريقة مش مريحة مسكتش وهزقته".

وأشارت إلى أن ماساعدها وقتها صداقة والدتها ووالدها بها، وأنها دعمتها وتوجهت معها لتحرير شكوي قائلة: "عمرهم ما خوفوني إني أحكي لهم حاجة مهما كانت، وعايزة أسال سؤال هو ذنب البنت إيه لو حصلها تحرش أو إغتصاب؟، هي مش غلطانة وعاوزة أققول لكل أولياء الأمور صاحبوا بناتكم واسمعوهم عشان يكونوا أقوياء، كفاية انهم يحكلوا ليكوا مشاكلهم وياخدوا أفعال تخلي المذنب ياخد عقابه".

وعلقت غيث على تبرير التحرش السائد الآن على منصات التواصل الاجتماعي قائلة: "حاجة بشعة.. وأنا بشوف تعليقات سخيفة سخافة مش طبيعية.. الفيديو اللي أنا عملته أخد شير كتير، ولما كنت بشوف تعليقات اللي مشير كنت بشوف كلام غريب زي بيتكلموا ليه؟".