انتشر مقطع فيديو عبر مواقع التواصل الاجتماعي، لشخص يصور الطبيب المعالج لليوتيوبر الراحل مصطفى الحفناوي الذي توفي أمس الإثنين، بعد صراع مع المرض، حيث تم تصوير الفيديو دون علم الطبيب، وكان الشخص المصور يسأله عن الحالة الصحية لمصطفى، وسبب الجلطة التي تعرض لها والوفاة.
وقال الطبيب الذي لم يكن يعمل أنه يتم تصويره: 'مقدر اللي أنت فيه وأسف على اللي حصل وربنا يصبر أهله، عايزك تفهم الموضوع بالتفصيل عشان تقدر تقيم الموضوع، مصطفى جه المستشفى الساعة واحدة ونص صباحا، يشتكي من ألم في بطنه، وطلبنا منه يعمل بعض الفحوصات عشان نشوف سبب الألم، لكنه رفض أنه يخش المستشفى ومضى على خروج حسب طلب المستشفى'.
وتابع قائلا: 'إحنا منقدرش نجبر حد أنه يدخل المستشفى، أنت متقدرش تجبر واحد وتدخله غصب عنه، تقدر تنصحه أن فيه خطورة لو سبت المستشفى ولو مش عايز تدخل تمضيلي أنك خارج على مسؤوليتك، لكن مقدرش أجبره أن يدخل المستشفى'.
وتابع: 'مصطفى رجع تاني بعدها بفترة، بنفس الألم ووافق على الدخول وابتدي يتجهز لعمل أشعة مقطعية عشان نشوف سبب الألم، لكن للاسف وهو بيعمل الأشعة المقطعية ابتدى يرجع فمقدرناش نعمل أشعة مقطعية، عشان لازم يشرب صبغة، والأشعة بتستمر 4 او 5 ساعات'.
وواصل الطبيب حديثه قائلا: 'لو عملنا الأشعة بدري ملهاش قيمة، بعد مرجع ابتدى يحس بتقل في إيده ورجله ووعيه تدهور شوية، وساعتها عملنا أشعة مقطعية أثبتت أن فيه جلطة كبيرة جدا وانسداد في الشريان، مصطفى دخل الرعاية على طول، وعملنا كل حاجة ممكنة ومدناهوش مذيبات للجلطة لأن حجمها كبير فلو كان خد مذيبات الجلطة كنا هنضره مش هننقذه'.
وأكمل: 'الحل التاني كان القسطرة لكن العلاج التدخلي، رفض أنه يعمل قسطرة لأن مستحيل علشان الشريان مقفول خالص مش هيقدر يدخل القسطرة، فادناله حاجات للسيولة وتقلل ضغط المخ وتظبط الضغط وكان دي الحاجة الوحيدة اللي نقدر نعملها'.
واختتم قائلا: 'ابتدينا ندور عن سبب الجلطة لاقينا إن مصطفى عنده مشكلة جينية في تجلط الدم، بمعنى الدم بيتجلط وبسرعة جدا بدون سبب وده اللي أدى إلى تجلط شريان الأمعاء الدقيقة اللي أعتقد كان سبب الم البطن، لأن مش طبيعي إن واحد عنده 25 سنة، حتى لو كان مدخن زي مصطفى أو بياخد هرمونات أو مكملات غذائية، وخلافه إن يجيله جلطة، لكن السبب هو مشكلته في تجلط الدم حاولنا نقدر اللي نعمل عليه وكنا لجنة كبيرة لكن قضاء ربنا'.
تابعوا آخر أهل مصر على Google News
