"هو فين الفنانين دول".. الجمهور يلقن شريف منير درسا قاسيا بعد سخريته من الشعب (صور)

أثار الفنان شريف منير جدل كبير عبر السوشيال ميديا، بعد نشره مجموعة من الصور التي تجمعه مع الفنان أحمد السقا، أحمد رزق، من خلال قضائهما العطلة الصيفية في أحد الأماكن الساحلية، كاتبا تعليقا أغضب الجمهور منه حيث قال 'آدي يا سيدي الفنانين .. عايشين في الفتّه .. بيصيفوا .. ولا حاسين بالناس ولا حاسين بحاجة .. وسايبين الناس في الحَرر والقرف .. حرام عليكم .. حِسّوا بالناس .. حسبي الله ونعم الوكيل فيكم يا فنانين'.

تعليقات الجمهور على صورة شريف منير

لتأتي تعليقات من الجمهور عبر تلك الصورة التي نشرها شريف منير مع أحمد رزق والسقا أبرزهم:'للأسف شريف منير بقى مابيحترمش جمهوره الفترة الاخيرة بشكل مبالغ فيه وشايف نفسه فوق الناس اللي هما اصلا عملوه نجم وكانوا سبب في شهرته..وبيدوس على وجع الناس اللي مش قادرة تسافر وتصيف بسبب شواطئ الغلابة المغلقة بشكل غير أخلاقي بالمرة'.

وكتبت فتاة أخرى على صورة شريف منير :'ايه جر الشكل ده انا كنت بحبك بس سورى الطريقة دى سخيفة جدا'، وفي تعليق أخر :'هوا لا مؤاخذه فين الفنانين دول؟ يا أستاذ شريف كلنا عارفين ماشيه ازاي، كلها عارفه بعضيها' وجاء تعليق آخر من متابع:'شرف ليّا طبعاً إني أكون منهم. بدل ما اكون من الناس اللي بتشجع نوع الفن اللي حضراتكم بتقدموه. بدون أي رساله ولا جدوَي. الجمهور ليه السبب في اللي انتو فيه بعد كرم ربنا أولا. و للأسف ماحدش بيقدره ولا بيحترمه. بالظبط زي ما حضرتك عملت كده بعد البوست ده'.

رد شريف منير

ولم يتحمل شريف منير تلك التعليقات من الجمهور، حيث أوضح أنه يقوم حاليا بمسح بعض الأشخاص الذين تطاولوا عليه حيث قال 'كل الناس إللي شتمت أو مُستفزة من كلامي و مش طيقاني .. أنا مبسوط جداً منهم .. لإنهم بيدّوني فرصة عظيمة أنضّف بيها صفحتي من القاذورات و السفالة إللي بيقولوها '.

وتابع: 'أنا بتّريق على نفسي .. أنا طبعاً حُر .. بس المقصود إني أفلتر زبالة البشر من الحاقدين أصحاب النفوس الشريرة .. أما الناس إللي شتمت بألفاظ خارجة .. فمعروف عني .. سكرين شوط ثم بلاغ لمكتب النائب العام و أريح دماغي .. والمباحث يجيبوهم براحتهم ووقت ما ربنا يأذن .. إوعوا تفتكروا إني بزعل أو بتنرفز .. إطلاقًا ..تحياتي للمحترمين بس ، جمهوري الحبيب المحترم'.

بنات شريف منير

هذه لم تكن المرة الأولي التي يتعرض فيها شريف منير للهجوم، حيث عبر عن استيائه الشديد من التعليقات والتنمر علي صورة بناته فريدة وكاميليا التي نشرها عبر حسابه بموقع 'إنستجرام'، في وقت سابق ليضطر لحذفها، قائلا : الإفراط في حسن النية قد يكلفك الكثير.. بعد مانزّلت صورة بناتي .. فريدة 16 سنة وكاميليا 12 سنة .. وشوفت تعليقات من ناس مرضى .. وقليلى الرباية .. وجرحوا بناتى وجرحونى .. فمسحت الصورة .. ولقيت البوست ده معناه ينطبق عليا .. حسبنا الله ونعم الوكيل'.