بعد الهجوم على حبيبته.. رامز أمير: "علموا عيالكم ميبقوش حيوانات"

رد الفنان رامز أمير، على الهجوم الذي تعرضت له اليوم، حبيبته بعدما نشر صورة لها برفقته على حساباته الشخصية على مواقع التواصل الاجتماعي.

وقال رامز أمير عبر حسابه على موقع فيسبوك: 'والله أخلاقي متسمحليش أرد على الكلام اللى اتكتب ده.. بجد مش عارف إقول إيه على المستوى اللي وصلناله خدوا بالكم من عيالكم يا جماعة.. ربوهم كويس..علموهم الأدب والأخلاق..علموهم يبقوا بنى آدمين ميبقوش حيوانات'.

وتابع 'علموهم يبقوا رجالة عندهم شجاعة ميستخبوش ورا شاشة'.

وواصل 'فهموهم أن ربنا بيحاسب على الكلمة اللي هما مستهترين بيها دى.. متخلفوش ولاد لو مش ناويين تربوهم عشان ربنا هيحاسبكم أنتم كمان على أخلاقهم'.

وكان رامز أمير نشر مساء اليوم صورة للفتاة التي يحبها عبر حسابه على موقع إنستجرام وحرص على إخفاء وجهها وعلق قائلاً: 'أسف إنى هستخدم الأكونت لحاجة شخصية يمكن متهمكوش، بس دى حاجة هتفرح أهم حد في حياتي بصي بقه، إنتى أجمل وأطيب وأحن واحدة عيني شافتها، أنتي دعوة دعيتها لربنا واتقبلها مني وبعتك ليا'.

وأكمل قائلاً: 'أنا بقولك قدام الدنيا كلها إني بحبك، كل الناس بيخبوا وش ولادهم فى الصور بس أنا هخبيكى أنتى عشان أنتي مش بس حبيبتي، إنتي بنتي وأجمل نعمة ربنا بعتهالي، ربنا يخليكي ليا يا بأَليلو'.