حدثت خلال الفترة الماضية أزمة بين الفنان أحمد بدير والاعلامية الكويتية مي العيدان بعدما نشرت عبر حسابها الرسمي على موقع تبادل الصور والفيديوهات الشهير 'إنستجرام'، صورة مجمعة للفنان أحمد بدير وابنته سارة وعلقت عليها قائلة: 'صورة ابنة الفنان أحمد بدير.. والله طلعت بنته مزة بنت الأقرع'.
وردت عليها سارة أحمد بدير قائلة: 'طيب أنا صحيت من النوم النهاردة لقيت مصر كلها بعتالي عن بوست أستاذة مي العيدان (الإعلامية!)..أنا أسمع عن حضرتك طبعًا وأعرف أنك شخص مشاكس، يعشق التنمر وخصوصا التنمر على الفنانين.. بس حابة أوضحلك كام حاجة كدة، أولا أنا أبويا نجم كبير من نجوم الوطن العربي ومحدش هيسمحلك تتكلمي عليه نص كلمة، وأعتقد أنك شوفتي ده كفاية في هجوم الوطن العربي كله عليكي اللي أنا نفسي اتفاجئت بيه وبشكر كل الناس اللي ردت غيبتنا'.
وتابعت سارة بدير حديثها قائلة: 'ثانيًا لو الفنانين بالنسبة لك حياتهم مستباحة فأنا مش فنانة عشان تحطينى معاهم فى جملة مفيدة (مع احترامي لكل الفنانين طبعا)، ثالثًا، أبويا اللي حضرتك بتغلطي فيه ده علمني أرفض التنمر بجميع أشكاله، وحضرتك غلطتي فأنا أكيد مش هسكت'، كما كشف الفنان أحمد بدير عن مقاضاته للاعلامية مي العيدان على ما صدر منها.
تابعوا آخر أهل مصر على Google News
