علقت الإعلامية ريهام سعيد، على أزمتها الأخيرة بسبب حلقة تعذيب الثعلب في برنامجها صبايا الخير على قناة النهار، ووقف البرنامج بعد ذلك من قبل المجلس الأعلى للإعلام.
وقالت ريهام سعيد عبر حسابها الرسمي على موقع تبادل الصور والفيديوهات الشهير إنستجرام :"علي اد ما زعلت اني اتهاجمت واتجرحت كتير فرحت اوي ان ناس كتير بقت رحيمه بالحيوانات حتي لو مفترسه و خطر علي البني ادم ".
وتابعت قائلة :" انا بعتذر علي اي مشهد في اساءه لاي حد و خصوصا الناس المهتمه بالرفق بالحيوان . بعتذر اني تسببت في اي الم لاي حد فيكوا لكن لازم تكونوا متاكدين ان اشتغلت و اجتهدت وتعبت لمده ١٨ سنه و اكيد مش محتاجه اي شهره ولا مشاهده . الهدف الوحيد هو تقديم محتوي محترم صادق و مفيد ".
كنت عايزة اسلط الضوء علي مهنه الصيد الي موجوده في كل انحاء العالم بمميزاتها و عيوبها حبيت اقدم الحقيقه و ازود معلومه جديده لان هي دي نيتي بس انا مش بشتغل في مهنه الصيد و لا يمارسها لكن هي موجوده .. اي اتهامات انا هارد عليها الحلقه الجايه لكن المهم دلوقتي ان محدش يزعل مني لان اكيد كل الي اتقال ده مش حقيقه . انا عايزه اعيش في سلام و كفايه مشاكل ".
وأكملت قائلة :" نفسي الي بيهاجموا و عمرهم ما اتفرجوا علي البرنامج يبتدوا يتابعوا يمكن تشوفوا اد ايه بنتعب و اد ايه حريصين ان احنا نقدم احسن حاجه . انا اسفه مره تانيه و المره الي جايه هاحط في الاعتبار ان ساعات الحقيقه ممكن تجرح بس طلب اخير لما تلاقوا غلط انصحوا و صلحوا و ماتجرحوش لان اكيد الي رحيم بالحيوان هايكون اكيد رحيم بالبني ادم الي هو ربنا حطه في اعلي مرتبه ".
وواصلت :" انا انسانه و اكيد الحكم عليه انا و عيلتي بالاعدام كل شويه مش عدل خصوصا ان طول الوقت في سوء تفاهم و لكن بيكبر نتيجه المشاهده العاليه . بتعرض لهجوم و اساءه رهيبه من غير ما حد حتي يعمل اعتبار لاولادي او امي . من دلوقتي لازم نفهم اد ايه احنا بنتشاف و لازم نكون اد المسؤليه و حتي لو لينا اعداء متربصين . امشي عدل يحتار عدوك فيك . وعد مش هانغلط تاني".
تابعوا آخر أهل مصر على Google News
