اشتعلت الأزمة بين مي حلمي و طليقها محمد رشاد عقب تحدثها عن تفاصيل انفصالهما عبر موقع التواصل الصور والفيديوهات إنستجرام.
نشرت الفنانة مي حلمي، عبر موقع الصور والفيديوهات إنستجرام 'ستوري' تصرح فيها تفاصيل انفصالها عن رشاد وكيف كانت تجربتها مع الخيانة التي حدثت من أقرب الناس إليها حيث قالت 'من سنتين بدأت حياتي تبقى مشاع، من أول ما اتلغى فرحي وعمرى ما اتكلمت أو قلت أسباب وببعد حياتي الشخصية'، وقالت أيضا إنها تعمدت الصمت ولكن بعد الكثير من الاتهامات قررت الخروج عن صمتها.
وتابعت: 'الطلاق تجربة صعبة على أي ست، وميعرفوش أنا اتطلقت ليه، تجربة الخيانة صعبة وتجربة الغدر من أقرب حد ليك صعبة، بتكلم عن الست إزاي بتفقد أمان ومصداقية وثقة في الناس اللي حواليها، إزاى الناس بتقدر تتخلي فى ثانية وتبيع وتنسى دي حاجة تالتة بقى، على ما أعتقد كنت محتاجة أحكى الكلام ده عشان أحس أنى خلاص صافية'، وأشارت إلى أن تجربة الانفصال و الخيانة لم تكن سهلة.
وتابعت 'لكل واحدة بتتساب لوحدها.. أنتي قوية وفي تفاصيل نفسي أقولها في الغدر وإنك تتجوزى وتطلقي عموما أنا اتبهدلت سنتين.. تجربة مريرة بكل ما فيها ومش عايزة أرجعها، وأنا مظلومة لمدة سنتين، هو فيه عروسة بتسيب فرحها وتمشى، صعب أبص في عين أهلي وأصحابي ومش معايا ربع جنيه ووقفت على رجلي تاني'،
واستكملت حديثها مشيرة لمن ساعدوها 'فيه كتير وقفوا جنبي ومعايا منهم الإعلامية ريهام سعيد، وسارة الطباخ فعلا ستات جدعة ودعموني'.
وكان رد الفنان محمد رشاد المفاجئ عبر خاصية 'الستوري' عبر صفحته على موقع التواصل الاجتماعي اإستجرام 'إن الله حليم ستار، وإذا بليتم فاستتروا.. والسكوت مش ضعف ولكن اتقي شر الحليم إذا غضب'، واستكمل حديثه قائلا 'مكنتش عاوز أعلق ولا أتكلم، وساكت عشان ده اللي اتربيت عليه، لكن أنا مش وحش، ومش بمثل، ومش عاوز أتكلم لأن الله حليم ستار.. ولكن للصبر حدود'، فامتنع الفنان محمد رشاد عن الرد.
تابعوا آخر أهل مصر على Google News
