هشام جمال يعلن شفائه من فيروس كورونا

أعلن المنتج هشام جمال عن شفائه من فيروس كورونا المستجد من خلال نشره صورة لأحد أصدقائه، يشكر فيها كل من ساعده للخروج من تلك الأزمة.

وكتب هشام جمال عبر إنستجرام:" في تجربة كورونا دي كان في ناس بتسأل عليا كل يوم كذا مره، وناس سألت اول كام يوم لحد متطمنوا، وناس كانت بتسأل من وقت للتاني، وناس عملت الواجب مره واحده وشكرا ليهم كلهم أكيد".

وتابع:"لكن يا مادي أنا فعلا مش عارف اشكرك ازاي على تعبك انت ونهى معايا وانا عيان وبجد مكسوف من كمية الطلبات اليوميه وكمية الاكل اللي نهى عملته واهتمامك وسؤالك وتحملك لمسؤولية الشغل وانا مش موجود وانك، ساعدتني اعمل تقريبا كل حاجه كاني موجود عادي".

وأضاف:"وبالمناسبه شكرا عموما على ال ١٠ سنين اللي فاتوا على شطارتك وتربيتك واحترامك والتزامك وتطورك وحبك ليا وللشغل وطبعا على كمية الضحك اللي ضحكتها بسببك

أنا عارف إني عمري تقريبا ما عبرتلك عن اي مشاعر في ال ١٠ سنين اللي فاتت، لكن انا فعلا بحبك جدا ومش متخيل السنين والرحله دي كانت هتبقى عامله ازاي من غيرك على كل المستويات يا مدووود".

وفي وقت سابق كتب هشام جمال عن أعراض فيروس كورونا: "جالى كورونا من حوالى 5 أيام، والنهاردة كان معاد حفلة قادرون باختلاف 3 اللى اتأجلت بالصدفة".

وأضاف المنتج: "الحمد لله يعني إصابتي كانت هتيجى فى آخر أيام بروفات.. وربنا اللي عارف أنا كنت خايف قد إيه على الولاد عشان مناعتهم ضعيفة وخفت لأحسن حد يتعدى ونعدى بعض كلنا.. ولو الحفلة كانت اتعملت في معادها كان زمانى أنا اللي عديتهم فالحمد لله ودعواتكم عشان الأعراض عندى مش لطيفة".